عدد المساهمات : 173 [نقاط العضو] : 487 تاريخ التسجيل : 26/02/2010
موضوع: ::: Dark choclate cake ::: السبت فبراير 27, 2010 11:47 am
مساكم رضا ..
حلا اليوم .. كيكة الكاكاو
ممممممم
هالكيكة رهيبة رهيبة رهييييييييييييييييبة بصراحة ما ذقت مثل طعمها تركيز الكاكاو تماسك الكيكة و طراوتها بنفس الوقت كنت أشوف كيكة البيتي كروكر ألذ كيكة ممكن تسوينها بالبيت و تضبط معك هالكيكة غطت عليها و صرنا ما نجيب طاري البيتي كروكر بعدها
مقاديرها بسيطة لكن المهم التقيد بالمكاييل و استخدام أكواب و ملاعق الحلا القياسية ..
بسم الله نبدأ
ملاحظة .. الكمية اللي راح تطلع لك كبيرة مع المقادير اللي بحطها يعني تسوي ثلاث صواني باوند كيك أنا سويتها بصينية باوند كيك عادية و صينية دائرية
أول شي المقادير بالترتيب :
- كوب أو 200 غرام زبدة غير مملحة بدرجة حرارة الغرفة أنا استبدلتها بسمن الكيك أفضل بكثير من الزبدة و نتائجه ممتازة - 2 كوب سكر عادي - 4 بيضات بدرجة حرارة الغرفة - نص كوب مربى كرز أسود و يفضل اللي يكون فيه ثمار الكرز - 2 كوب حليب فريش دافي - 2.5 كوب طحين - كوب كاكاو بودر - 2 ملعقة صغيرة باكينج باورد - ملعقة صغيرة بيكربونات الصوديوم - ذرة ملح - رشة فانيليا
بداية شغلي الفرن على درجة 160 و انخلي المكونات الجافة مع بعض و خليهم على جنب
خطوات العمل
أول شي في خلاط الكيك نضيف السمن و السكر و نخليهم يخلطون سوا لين يصير الخليط كريمي خفيف
بعدها نبدأ نضيف البيض حبة حبة
هنا انتهيت من إضافة كل البيض
بعدها نضيف مربى الكرز
بعدها نضيف المكونات الجافة بالتناوب مع الحليب و هذا الناتج النهائي
نوزع خليط الكيك على صينية الكيك بعد ما نبطن الصينية بورق الزيدة أنا فكيت راسي من صدعة ورق الزبدة و أستخدم رغوة الزبدة رهيب مع الحلويات و المعجنات
بعدها ندخل الصواني للفرن تاخذ تقريبا ساعة إلا ربع بالفرن و تقدرين تتأكدين منها بعد ما يمر نص الوقت بغرس سكينة أو عود أسنان
بالنهاية هذا الناتج
خلي الصينية على جنب تبرد
و بعد ما تبرد نبدأ نجهز التغطية
في حمام مائي أضفت حبيبات هيرشي بالكاكاو مع كم مكعب من الكاكاو الخام مع ملعقتين نوتيللا و قطعة صغيرة زبدة
خليهم لين يذوبون و حركيهم عشان يتجانسون سوا
ارفعي الصحن عن النار و أضيفي عليه كرتونة قشطة قيمر و اخلطيهم زييييييييييييييين راح تلاحظين إن الخليط بدأ يثقل و يصير لونه غاااااامق
اقلبي الكيك في صحن التقديم و أضيفي التغطيه وهي حارة ع الكيك و زينيها باللي تحبين